![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Lëvizja Socialiste për Integrim po mban sot Konventën e saj Kombëtare. Kryetarja e kësaj force, Monika Kryemadhi e ka nisur fjalën e saj duke dhënë parashikimet që ka për të ardhmen e Shqipërisë.
“Edhe si doktoreshë edhe si fallxhore e parashikoj të ardhmen e Shqipërisë të ndritur e të begatë”, ka deklaruar Kryemadhi.
Për herë të parë, Konventa Kombëtare e Lëvizjes Socialiste për Integrim u mblodh jo me me deputetë, por me qytetarë të thjeshtë siç tha edhe kryetarja Monika Kryemadhi.
“Konventa kombëtare e LSI-së, mblidhet për herë të parë si shqiptarë të thjeshtë, pa mandat deputeti. LSI-në nuk e bëjnë njerëzit, e bën shpirti, dashuria që kemi ne për njëri-tjetrin.
LSI është si doktori që do të shërojë të sëmurin e përhershëm, për të shëruar sëmundjen kronike që Shqipëria ka 30 vjet në tranzicion që e kalon, edhe si doktoreshë edhe si fallxhore e parashikoj të ardhmen e Shqipërisë, të ndritur të begatë, pa Edi Ramën kryeministër.
“Jo t’i presim thonjtë, por t’i presim dorën oligarkëve të këtij krimi që ka futur dorën në xhepin e shqiptarëve. Ne duhet të ngremë një sistem që të presë cdo dorë që do të dojë ta bëjë këtë. Kjo bëhet edhe me vullnet politik, por tani duhet me ligje, e shkruar e zeza në të bardhë”, tha Kryemadhi.